مناطق الخدمة

مقاولات وترميم وملاحق في الدرعية

الدرعية تجمع بين فلل جديدة على أطراف وادي حنيفة وبيوت بطابع نجدي واضح، والطلب فيها أكثر على التشطيب والواجهات والحدادة اللي تحترم هذا الطابع من غير ما تتكلف تكلفة الحجر الطبيعي في كل شي.

  • ≈ 20 كم من مقرّنا

واجهات بطابع نجدي في الدرعية

الواجهة النجدية تعتمد على الملمس واللون الترابي أكثر من الزخرفة. والبروفايل بالمسطرين يعطي ملمس قريب من الطين والجص بتكلفة أقل بكثير من التلبيس بالحجر، ويتحمّل الشمس والغبار. نجرّب الملمس واللون على جزء من الجدار قبل ما نكمل.

حدادة تمشي مع الطابع

الأبواب والبوابات والدرابزين في بيت نجدي تبان غريبة إذا كانت لامعة وحديثة زيادة. نفصّل أبواب حديد بخطوط بسيطة ولون مطفي، وسواتر بشرائح تعطي ظل وخصوصية، ونختار ألوان تكمّل الواجهة.

الأرض والمناسيب

أراضي كثير في الدرعية فيها فرق منسوب على الوادي، وهذا يأثر على الملاحق والمسابح والصبات: قواعد على مستويات مختلفة، وجدران استنادية، وتصريف مطر يمشي مع الميل. نقيس هذا في المعاينة ونحسبه في العرض من البداية.

استراحات ومزارع الدرعية

في أطراف الدرعية استراحات ومزارع تبي مسابح ومظلات وملاحق خدمة، وتنستخدم في الويكند والمناسبات. نصمّم لها على هذا الأساس: مواد تتحمّل الاستخدام المتقطع وصيانة قليلة.

خدمات تنطلب كثير في الدرعية

خدماتنا

خدماتنا في الدرعية

أسئلة شائعة

هل البروفايل يعطي شكل الطين النجدي فعلًا؟
يقرب منه كثير إذا انشغل بالمسطرين وباللون الصح. ما هو طين حقيقي، بس يعطي نفس الإحساس بالملمس واللون، ويتحمّل المطر والشمس أحسن من اللياسة الطينية التقليدية.
تخدمون الدرعية بنفس شروط الرياض؟
إي نعم. المعاينة بموعد، والعرض المكتوب بنفس الطريقة، والفريق ينتقل للموقع. المسافة تأثر على الجدولة بس، مو على طريقة الشغل ولا على المواصفات.
أبي أرمّم بيت قديم في الدرعية، من وين أبدأ؟
من الكشف. البيوت القديمة فيها مفاجآت في السباكة والكهربا والعزل، والتقرير المكتوب يرتّب الأولويات: وش اللي لازم يتسوّى أول عشان ما يخرّب التشطيب اللي بعده.

مناطق ثانية نخدمها

عندك ملحق أو ترميم في بالك؟

نجيك ونعاين المكان مجانًا في أي حي بالرياض، ونرسل لك عرض مكتوب بالبنود — بدون أي التزام عليك.

اتصل الآنراسلنا واتساب